شعرترکی اویان یوخودان

 بیر گون خومار بیرگون مست میخانه

بیرگون دوست بیر گون اولوبدی بیگانه

بیر گون عاقیل بیرگون سانکی دیوانه

عبرت آل بو تعبیر اولان یوخودان

ملتی غفلتده قویان یوخودان

 

گل بو مکتبده حقیقتدن دانیش

لایق بیر انسان اولماقا چالیش

محبتیله خلایقنن قاریش

اوزاغ اول سنده او یان یوخودان

ملتی غفلتده قویان یوخودان

 

حقیقی دوستلار چوخ آزدی دنیادا

اونودما اولاری تئز تئز سال یادا

اولار مرد اولار یئتیشر فریادا

سنه دوست اولماز گئج دوران یوخودان

ملتی غفلتده قویان یوخودان

 

زاهد اولما غافل نصیحتیمنن

کسرلی شعریمنن طبیعتیمنن

بو یازدیقیم گوزل وصییتیمنن

یاتیب گر عالم سن اویان یوخودان

ملتی غفلتده قویان یوخودان

زعفر نظرزاده زاهد فخرآبادی پنجم مهر یکهزارو یصدو نودو دو

/ 0 نظر / 15 بازدید