اشعار ترکی زاهد فخرآبادی (قوجالیق)

گویا ائله بیل ، گئتدی بو عومرؤن باهاری

بؤننان سورا باشلاندی منیم قیل و قالیم


یئتمیشدن آشیب ، سیننیم اولؤب هشتاد ایکی

آمما هله ده ، یوخدی گؤمانیم قوجالیم


گؤنلر گوز آچیب ، یومماغ همان گئتدی بادا

فکریم بو اولؤبدیر ، نه وئریم یا نه آلیم


جان درده دؤشؤب ، یوخدی توان هئی حرکت

ایندی منه بیر ، تار کامان ایستیر سازالیم


دای چاره یوخؤمدیر ، قوجالیق ییخدی منی

حسرتدن اوخی ، منده غم آهنگی چالیم


ال چالدیقیجان ، باخ نئجه باش اوینییاجاق

وار توی بساطی ، آمما جیریغدی قابالیم


بؤرنؤم یئکه لیب  ، چؤققؤرا سالدی گؤزؤمی

بیر خورتدانا دؤندی او گوزل ، خوش جامالیم


سینه مده کی گوز،  تحریک ائدیر حنجره نی

دای آسقیریب اوسگؤرمه دن هئچ ، یوخ ماجالیم


گوزلرده دؤمان باسدی قولاغلار کار اولؤب

قارنیم او قدر ، شیشدی جیریلدی موتالیم


دای تأثیری یوخدیر داوا درمان یئمه گین

چارم او دی کی نعشیمی تئز قبره سالیم


حیف اولدی جوانلیق باهاری گئتدی یئله

تقدیر بئله دی ، منده خزانلا سارالیم


گونلر شیرینیدی ، سورادان چالدی آجی

زاهد نئجه گور، آغزیما زهر اولدی بالیم


بؤلبؤلده گلیب ، گولشنه توی محفیلی وار

بیلمم نییه دای ، اویناماغا یوخدی حالیم


شعر :زعفر نظرزاده زاهد

22/07/1390 هجری شمسی اردبیل

/ 1 نظر / 13 بازدید
همایون

عزیز شاعر: نظره گلیرکی 4نجو بیت ده "بؤننان سورا باشلاندی منیم قیدو قالیم" قیل وقالیم دوز اولا