شعر درباره حضرت علی

درمدح حضرت علی

علی اول روحه صفا جسمه جلا

علی اول بنده ی حق شاه وفا

«علی آن شیر خدا شاه عرب»

علی اول کان حیا کنز ادب

علی اول درد و غمیلن چالیشان

قلبی نامردین اودیلان آلیشان

علی اول عرشه سالان شور و نوا

علی اول فرشیده ارکان بقا

عشقی تسخیر ائلئییب قلبیمیزی

دییه ریک بیز اونا هر دردیمیزی

منبع مهر و شفقتدی علی

فانی دنیاده حقیقتدی علی

علی آیینه دی حققین گوزینه

علی پاینده دی قرآن سوزینه

گئجه شاهددی علی سجده سینه

کوی اغیاره ائدن ناله سینه

عشق ، دیر عاشقی حیران ائلئیین

گئجه نین وقتی پریشان ائلئیین

او یانیر شمعینه پروانه کیمین

آختاریر مقصدی دیوانه کیمین

مقصد آللاهدی هدف بنده لیگی

چوخدیر اربابینه شرمنده لیگی

گرچه هر عیب و خطادن بری دی

زهد و عرفاندا مثال پری دی

ولی شیون ده دی هر شام و سحر

چون وئریبلر اونا قرآن دا خبر

وای اونین حالینه اهمال ائله دی

مظلومین حقّینی پامال ائله دی

چون علی حقّیده قارداش تانیماز

نه  رفاقت نه ده یولداش تانیماز

مینمه دی پست و مقام مرکبینه

او جانین وقف ائله دی مذهبینه

گرچه صد یاره ویریلدی دیلینن

ائتدیلر جور و جفا بولبولینن

ولی بیر لحظه خطا ائیلمه دی

مرد و نامرد ه جفا ائیلمه دی

علی ظالملره خنجردی سنان

ولی مظلوملارا عشقیله یانان

علی بیر شمع دی عدالتله یانیر

ایشیقین عالم اسلامه سالیر

علی گوزلرده ایشیق جسمیده جان

علی دیز قووتی قوللاردا توان

زاهدم فکر و خیالیم علی دی

معرفت عقل و کمالیم علی دی

زعفرنظرزاده زاهد

 ششم اسفند ماه سال یکهزار و سیصد و نود و دو

/ 0 نظر / 5 بازدید