شعر زاهد در سوگ عاصم اردبیلی

زاهدین شعری استاد عاصم اردبیلینین فراقینده

فلکین چرخی نئجه چونمه دی بیر قاره خبر

شعرالر اوره گینده یارادیب غصصه کدر

قویدی حیرتده بوتون خلقی بو جان فاجعه سی

ائشیدنده بو عزا ماتمه داغ داش دا ملر

عاصم ئولدی شعرا محفیلینین سوندی شمعی

بیر معلم کی قضا یازدی اونا قانلی سحر

حیف اوگولدن کی خزان آلدی آپاردی یئلینن

باغیبانین امه گین بیر گئجه ده ائتدی هدر

غم هجرانی سالیب سینه ده کوز اودلانیرام

بئله بیر وقتسیز ئولوم روحوموادا قویدی اثر

سوری گل گئتدی سنه همدم اولان شاعیریمیز

اومما سن چرخ فلکدن اونودا آلدی قدر

ایندی جننتده بیتن گولده سولوب دوتدی عزا

بیردا گوستردی فلک ایری آتان دوزده دیر

درد الیننن جانا گلمیشدی اوزی ائتدی نهان

سوریلار دردینی ایظهار ائله دی دنیا قدر

ادعا سیز بیر آدام خلقه قاریشمیشدی اوزی

یازدی ملت سوزونی مغلطه دن ائتدی حذر

گلشن شعره صفا وئردی گوزل نغمه لری       

بولبولیم خوش سخن ایدی ولی حیف اولدی نظر

گرچه زاهد او گئدیب آمما قالیب یادیگاری

درری تک سوزلری دنیا بویی دیللرده گزر

بیست و هفتم اردیبهشت ماه سال یکهزارو سیصد و نود و سه هجری شمسی

زعفر نظرزاده زاهد

/ 0 نظر / 9 بازدید