شعر زاهد

بو دنیا هله وار

بیز گئدمه لییک یوخسا بو دنیا هله وار

انسان دا فنا اولسا بو دنیا هله وار

پس شاد لیق ائدیب خوش یاشاییب اولسا گوله ک

چون غصه سنی ییخسا بو دنیا هله وار

قلبین ائوینی مهر و محبتله به زه

گر کینه اونی آلسا بو دنیا هله وار

شاهلار گئده جک رتبه سی عنوانی همی

مین شهری چاپیب سویسا بو دنیا هله وار

دنیا باخاراق پنجره دیر وار مثلی

گوزلر دوز اگر باخسا بو دنیا هله وار

ظلم آتشی گر سونسه جهان گولشن اولار

عدلین چیراغی یانسا بو دنیا هله وار

تهدید ائلئییر خلقتی ارباب جفا

منطق بالاجا قانسا بو دنیا هله وار

طوفان بلا گرچه بو خلقی آپاریر

دریا سئل اولوب آخسا بو دنیا هله وار

حیف آزدی تاپام دوز اصیل انسانی ولی

انسان نئچه سی وارسا بو دنیا هله وار

زاهد اوره گین توخلا امید وار سحره

ظلمت گئجه لر چیخسا بو دنیا هله وار

زعفر نظرزاده زاهد

هشتم خرداد یک هزار و سیصد و نود و چهار

/ 1 نظر / 32 بازدید
fariba

سلام خوبي؟ چند روز پيش يکي از دوستام سايت زير رو بهم معرفي کرد که باهاش تبادل لينک کنم من فکر کردم تاثيري نداره ، ولي بعد از اين که وبلاگم رو توي اين سايت و سايت هاي شبيهش لينک کردم هر روز بازديد وبلاگم زياد ميشه. خواستم اين سايت ها رو به تو هم معرفي کنم . حتما تبادل لينک کن چون لذت وبلاگ نويسي تو آمار بالاست.