شعرترکی مین دیللی

 باخیب یوزووه سنه جان جان دییر

دالونجا گئدیب اوزی قان قان دییر

آغزین آچیب سوزلری هذیان دییر

اوکوز کیمی هئچ زادی قانماز گئدر

مین دیللی اولار سنه یانماز گئدر

 

بیر سکه پولاآداملاری ساتار

دیندیرسون ادب احترامی آتار

دوست دشمنی بیر یبرینه قاتار

نه سننن نه مننن اوتانماز گئدر

مین دیللی اولار سنه یانماز گئدر

 

چالیش اوزاغ اول اوننان خطر گلر

بوگون گلمسه حتماً سحر گلر

او شیطاندی اوز گوزین بزر گلر

سنی اوز عالمونده قویماز گئدر

مین دیللی اولار سنه یانماز گئدر

 

گل آللانما سن زاهد بویله شیخا

قویما بو تولکی دیلباز سنی ییخا

گاه نالا وورار گاهدا ندا میخا

وعده سنده اعتبار اولماز گئدر

مین دیللی اولار سنه یانماز گئدر

 

زعفر نظرزاده زاهد فخرآبادی سوم مهر یکهزارو سیصدو نودودو

/ 0 نظر / 11 بازدید