شعر ترکی

عومور شیرینلیگی

منه گلشن نیه لازم ، قوشادان لاله واریم

عومرومین اینتیگی یوخدیر ، بئله هم ناله واریم

بیری آی تک گئجه می گوندوز ائدیر، مِهنوش آدی

بیری بخت اولدوزیدیر، دنیادا تک بهنوش آدی

بیری دوستلیق گتیریب سیلدی اورکدن کدری

یبری احسان ائله دی شادلیقی دنیا قدری

حیات اولدی اولارین لطفینه چون باغ ارم

منه واجبدی تصدق نئچه مسکینه وئرم

آللاهین لطفی منه چوخ،چوخ اولوب شکری گرک

بئله آهولرینن بللیدی شاد اولسون اورک

غم کدر بیزدن اوزاغدی هامودان اولسین اوزاغ

چون محبتلی یئره گلمز هله سوزلی سیزاغ

مرحبا خالیقینه احسن اولا خلقتینه

ائو اولیب کان محبت اولارین قیمتینه

قلبی صاف آینا کیمین سینسا کدر دوشمز اونا

بو نا خاطردی اولوب رتبه ی اعلاده آنا

آیری بیر عالمی وار بیر گونی بیمار اولاسان    

خسته یا ناخوش اولوب عاجز و دل زار اولاسان

اوندا سن یاخجی بیلرسن کی قیزین قیمتی یوخ

چون ائوین لاله سی اولمازسا ، زری زینتی یوخ

بیری دستمال گتیرر باغلا باشون آغریماسون    

بیری شربت گتیریر بلکه بابا یا نقیماسون

بیری بویرونده یاتیب تئز تئز اوپر اوز گوزووی

بیری یورقان گتیریر قیزدیراسان اوز اوزووی

هئی چکر نازلی الین باشووه بلکه یاتاسان

تا کی قلبونده اولان غصّه ملالی آتاسان

دار گونین دوستی یامان گونده باجی قارداش اولار

سنیلن غملی زمانونده گلیب یولداش اولار

کینه قلبینده اونین یوخدی یئری ، سانکی مَلَک     

ائشیدیبسن کی مَلَک نوردی نورا یوخدی کَلَک

هم محبت قوجاغی همده صداقت اجاغی

ائولرین زینتیدی لاله سی همده چیراغی

بئله ایشلردی اونی بال کیمی شیرین ائلئییب

آتایا هم آنایا افسر زرین ائلئییب

ای خدا ساخلا نظردن اولاری حقّ قرآن

چون اوزونده بیلوسن بد نظره یوخدی گومان

زاهدین قلبینی خوشحال ائله دون قیزلارینان

بیردا خوشبخت و خوش اقبال ائله دون قیزلارینان

زعفرنظرزاده زاهد سوم دی ماه سال یکهزار و سیصد و نود و دو

/ 1 نظر / 7 بازدید
ساسان اس ام اس

سلام وب خوب و به روزی داری. امیدوارم همیشه اینجور باشه. آدم یه همچین وبایی رو می بینه از وب خودش ناامید میشه! می تونی وبت رو تو انجمن ما معرفی کنی تا بقیه هم استفاده کنن. من بهت سر زدم اگه شما هم دوست داشتی به سایت ما سر بزن. ممنون www.SasanSMS.ir کامل ترین آرشیو اس ام اس www.SasanSMS.ir/Forum متفاوت‌ترین انجمن سرگرمی و تفریحی فارسی‌زبانان