شعرترکی ای مسلمان

بو خطر تهدید ائدیر عالم اسلامی اویان

چوخالیب منطقه ده ظلم ائلیین فتنه قویان

 

قویمئیؤن تفرقه سالسین آرییا قوم خطا

هدفی دین دی بو کافر ائلمز شرم و حیا

 

تانیماز آللاهی ، پیغمبری ، قرآنی اینان

اونیلان همدم اولؤب ، ائتمه جفا خلقه اویان

 

گئنه توهین اولؤنؤر ، خاتم پیغمبرؤزه

علمانی گتیرون ، جلوه وئرون منبرؤزه

 

اوخویون قرآنی تدبیر ائلئیون آیه سینه

ائلئیون دشمنی مأیوس ، اونین سایه سینه

 

ظالمین بوینون اگون ، خوار و گرفتار ائلئیون

اونیلان صحنه ده سیز ، کینه لی رفتار ائلئیون

 

یا محمد سسیوی ، قوزا گووه اولما ضعیف

آللاهین لشکرینه ، کفر و یهود اولماز حریف

 

قویما تهدید اولونا ، دین محمد بوزامان

سنی تک قویمییاجاق ، ارض و سمانی یارادان

 

غربیلر دینی آتیب ، عزت انسانی ساتیب

قانلی دیرناخلارینان ، جمله ی دنیانی قاتیب

 

ایندی تهدید ائلئییر ، مکتب اسلامی اوزی

ولی دیندیر سون اونی ، حقق و عدالتدی سوزی

 

بو عدالتدی سالیب ، قانه مسلمان بشری ؟

بو حقیقتدی ائدیر ، زار و پشیمان بشری ؟

 

شک و تردید ائلمه وار بو دینین ساخلییانی

اودا آللاهدی مسلمان بشرین یوخلییانی

 

ائتمه تحقیر اوزووی ، قورخونی آت گل قاباغا

ای مسلمان سلاح آل ، هممتیلن قالخ ایاغا

 

اتحادوز سالاجاق ، وحشته بیگانه لری

گئنه رسوا ائده جک ، صحنه ده دیوانه لری

 

پوزاجاق کفرو فسادین ، بساطین بیر گئجه ده

اولاجاق عالمه حاکم ، بو گوزل دین گئنه ده

 

بودینین صاحبی آللاهدی ، ائدر یاری اونی

هر بلا دغدغه دن ، ساخلییاجاق تاری اونی

 

ای مسلمان دبه ریش ، دشمنی حیرانه گتیر

یا محمد سسووه ، مللتی میدانه گتیر

 

گوزؤوی آچ باخ اوزؤن ، دشمن اولوب خوار و ذلیل

ییخیلیب آرخاسی اوسته ، باخاسان سانکی علیل

 

دانناغ آلتیندا اونین ، روحییه سی اولدی کسیل

ال آتیر چور چوپه افسوس الینه ، گلدی قزیل

 

بنیامین یا اوباما فرق ائلمز هر دو دلی

همی حاخدان همی میخدان ، دئمه لی چیخدی الی

 

ولی رحم ائلمه سن ظالم اگر ، مظلوم اولوب

دئمه هر محکمه ده ، مجرم و المحکوم اولوب

 

چؤن کی شیطاندی گلیب ، دینیله ایمانی آلا

بیز مسلمانی گئنه ، رنج فراوانه سالا

 

ای مسلمان باخ اوزون ، تولکیدی دورونده گزن

حیف اونین یوخدی باشین ، سنگ و چوماقیله ازن

 

اوزووی سالما اونین ، فتنه ، ادا و فئلینه

داش گوتیر قوزا گووه ، قووتیلن سال بئلینه

 

سنده زاهد ، بو گوزل شعرؤوی پایانه یئتیر

یا محمد سسؤوی ، کل مسلمانه یئتیر

 

زعفر نظرزاده زاهد فخرآبادی  25/06/1391

/ 1 نظر / 13 بازدید
مهدي

به وبلاك منم سر بزن ومنو تو گوگل محبوب كنmobil-mehdi.blogfa.com