شعر ترکی

تقدیر

کونول هر دم فغان ائیلور زماننان

نئجه بولبول گوله آه و فغاننان

بو ایام خزاندیر یا تباهی

یانیر گوللر جفا پرور تیکاننان

کدورت سایه چون سالدی اوره کده

زمین اولدی گیلئیلی آسماننان

قرا یئللر آپارسا گلعزاری

شکایت ائتمه بولبول باغباننان

یاتیب شادلیق اویاغدیر غصه غملر

دیلیم قاصر شیرین دادلی بیاننان

گول و بولبول سوزی یاددان چیخیبدی

بوتون صحبت اولوب تیر و کماننان

کدر غم لشکری گلزاری آلدی

دریغ اولسون بو گوللی گلستاننان

بهار عومرومیز طوفانلی گئچدی

نه ایستیر مدعی بولبول خزاننان

نه شادلیق واردی گولمک یا سئوینمک

بوتون ماتم دی گونلر صبح اذاننان

تمنا ائتمه زاهد سن فلکدن

شکایت ائیله تقدیری یازاننان

زعفر نظرزاده زاهد

هفتم اسفند ماه سال 1393

/ 3 نظر / 12 بازدید
سئو

وبلاگ زيباي داري موفق باشيد

niloofar

بووووووووووووووووووووووووووم ب ترکوندين با وبتون اگه دوست داشتين افتخار بدين به منم سري بزنين[قلب][ماچ][گل]