شعر ترکی ائوین چیراغی

رُقیّه

بیر خانم کی نفسی ، مژده دی چون باد صبا

گلسِتانین گولیدی ، گلشنیمه گتدی صفا

ازدواجیله قاریشدی منیلن زندگیسی             

چون صبا پیکی گتیردی ائویمه ، مهر و وفا

ظلمت اول ،موشدی حیاتین گئجه سی ،گوندوزی هم

گلدی آی تک بو قرا گونلریمه  ، وئردی سَنا

منی بیمار ائله میشدی فلکین ، غصّه غمی

او طبیب اولدی منه  ، همده خداوندِ شفا

بیر نجابتلی خانم ، فاطمه زهرا کنیزی

آدی معلوم دی « رُقیّه »اوزیده کنز حیا

آناسی خیر و دعا ، رحمت آپاردی آتاسی

بو خانمنان کی وئریبدیر ادبه ، قدر و بها

ائویمین زینتی دی، دُرّی ، زری گوهری هم

او اولان یئرده اینان ، مس دی بوتون سیم و طلا

منه نعمتدی وجودی ، نفسی ، عشوه نازی

ای خدا ساخلا نظردن ، اونا گوسترمه بلا

گر دئسم حور و پری ، چوخ دئمه اغراق ائله دیم

چون ملکلر تک ائدیب ، روحِ پریشانی دوا

زاهدا ! قدرینی بیل ، گوهر عومرون دی سنون

دنیا دریای تلاتم دی اونی  ، ائتمه رها

زعفر نظرزاده زاهد

بیستم اردیبهشت ماه سال یکهزار و سیصد و نود و سه

/ 1 نظر / 8 بازدید
کاراته���نيوز

سلام... خوبي؟.. راستشو بخواي داشتم بين صفحات وب گشت ميزدم که به وبلاگ تو برخوردم... واقعا وبلاگ قشنگ و جذابي داري مطالبشم عاليه... ميخواستم اگه موافق باشي، با سايت من تبادل لينک کني.. البته ميگم.. اگر موافقي... اگه نظرت مثبت بود، به آدرس سايت من مراجعه کن و به من اطلاع بده تا من هم تو رو با نام دلخواهت تو سايتم درج کنم... البته اگه بنر هم داري، ميتوني آدرسش رو به علاوه آدرس وب خودت برام بفرستي تا بلينکمش.. منتظرتما، منو قال نذاري [شوخي]