شعر ترکی

یالان زندگی

نه آلیم دیل خوش اولوم، غُصه ساتان زندگیدن

نه دئییم گؤلسین اؤزؤم ،گوزلری قان زندگیدن

دوست آتیب دوستلاری قارداشلار آتیب قارداشینی

آمان آللاه ، آمان آللاه ، بو یامان زندگیدن

گاه گولوب قهقهینن ، آغلادی گاه های هاییینان

قالمیشام شادلیق ائدیم، یاکی فغان زندگیدن

بو عؤمؤر شیشه سینه دؤشدی کدر، اولدی هدر

اولمادی خیر اثری، مه لی دؤمان زندگیدن

گورمه دیم لحظه محبت ثمرین، سر خوش اولام

آرزولار گئتدی بادا ، فانی اولان زندگیدن

فلکین حالینه باخ  کی ائله بیل ، چرخی دؤنؤب

چون اودا ، شاکیدی اقبالی یاتان زندگیدن

دؤز یالانلار قاریشیب ، یبر بیرینه من نه یازیم

مردی نا مرده قا تان ، ذاتی یالان زندگیدن

ساوالان قار هوسینده بوی آتیب ، گئتدی گؤوه

نییه من سروی بویؤم ، اولدی کمان زندگیدن

عدل و انصافی بیلن یوخدی اجل ، دادیمه گل

داریخیب تنگه گلیب ، روح و روان زندگیدن

سعی ائدیردیم بو گئجه ، بؤلبؤل و گؤلدن دانیشام

ولی حیف اولدی گولی ، آلدی خزان زندگیدن

چوخ یامان دوران اولوب ، زاهد اورکلر داریخیب

ئولمک ایستیر کونولوم ، یاسه باتان  زندگیدن

زعفر نظرزاده زاهد

اردبیل دوازدهم اسفند یکهزارو سیصدو نودو یک هجری شمسی

/ 0 نظر / 31 بازدید